قومي ياصابره
قومي ياصابره الوقت اهو حان
مدي الخطوه من الميدان
جو الدرب وفكي الكرب
نور الصبر بيولد 100 ف ساعه حمل
مدي اديكي بالحريه لشعب الصبر
عاش ايوب ولابد في يوم طول الوقت يدن عصر
ادي هديه لكل ميداني
عيش حريه في هتف عصامي
وقت الغيره مين يستشهد
قومي ياصابره وزقي النيل
جايه مراكب من التحرير
طارحه النور والهنا والخير
قومي ياصابره وبلي الشمس بعرق الكد فوقت الجد
صابره ياشابه توهت في وصفك
مره تعاندي مره ترسي
غصب عني لازم اعاندك
بس ثوابتك
عينك خضرا
خدك وردي
جسمك زي العود القمحي
طارحه سنابل لسه قوانها
عارفه ياصابره يوم ما تقومي
ندر عليا لوزع روحي
واسقي بدمي ورد جناينك
واغزل خيط الشمس لتوبك
عارفه ياصابره بحلف بيكي لاغير طبعك
بقلم |
اسلام سعيد
ليست هناك تعليقات:
إرسال تعليق