غروب الشمس جه بدري
ومهما اجري مبلحقش أطول النور
ومهما أطير قضيب القطر يسبقني
ويسرقني وبيبعني ف أي رصيف
ومش بعرف أعيش الدينا غير ليكي
وأهون لي أعيش ورقه قطعها الزيف
فاسمحيني
رغم بكايا انهارك
أنا العطشان
وانا الغرقان في أحزانك
وبرسمها كما الخلجان
وبرسمني عجوز أغبر
بمشي ف سكتي تايه
وأنا مكمل
أقول ( أكيده دي نهايتي )
أرجع ابتدي تاني
لكل شئ نهاياته
إلا انا بداياتي
أعيش ليكي وادوم فيكي
وأحيا برضه انا ليكي
كآن الموت معاش فيكي ولا لحظه
ولسه التوهه وخداني
بعيش سجان
سجنت النفس فضلوعي
وأصل ضلوعي مسجونه
فاسمحيني
أنا الظالم وانا المظلوم
وبسرق كل يوم عمري
واعيش مكتوم
وانا اللي برضه في بدايته أمل موهوم
الاقي هي دي نهايتي ... مبلقاش
وحتي لما جيت اهرب
هرب مني انا... ليكي
لقيت أمواجك العاتيه بتحدفني
لشط مفهش غير حزني فعشتك فيه
كفاياني تكفني كفوف الاه وانا عايش
كفاياني أعيشك ماضي في رسالتي
واشوفك جوه احزاني
منايا أرسمك فرحه علي جبينهم
فابهرب منك للفرحه
الاقي الاهه ترسمني ومن تاني
عجوز اغبر
مكمل لسه توهاني
بقلم |
اسلاM سعيد
ليست هناك تعليقات:
إرسال تعليق