سفن نجاتي اتكسرت
ضلي الديابه سكنته
كل اللي باقي في
دنيتي
حبه صور متفركه
من كدبتك اني البطل
ازاي بطل؟؟
ازاي اطير وسط
الطيور
من غير جناح
ازاي اسابق ضلتي
والليل سبق
عمري اتسرق
من قلب صندوق البكا
علي رقدتي جوه
التابوت
يونس جديد
كل المراكب تحدفه
ومش لاقي حوت
فاهجر انا مستقبلي
واسند علي ضهر
التاريخ
ما هو الطبيعي في
ضمتك
كل البشر تقدر تموت
لكن الحقيقه المعضله
مش كلهم يقدر يعيش
شعر:
اسلاM سعيد
ليست هناك تعليقات:
إرسال تعليق